لالایی سنتی مازندران

[Wendy]

لالا لالا گل لاله دتر دارنه هفت تا خاله لالا لالا گل چایی دتر دارنه اَتا دایی * لالا لالا گل پمبه دتر دارنه دتا عمه لالا لالا گل لیمو دتر دارنه سه تا عمو * لالا لالا گل پونه وچه نینه هیچ بهونه لالا لالا لالا لایی لالا لالا لالا لایی * لالا لالا تی بلاره تی جان مار بی‎قراره خل وقته که و زاره شی نازدونه بلاره * مگه غم‎ها منه کاره لالا لالا غریب ماره وچه روزی تی دس داره لالا لالا نخر غصه * که امه ده پر از داره دشت و صرا، شر و روستا گل و گیاه، سبزه‎زاره مازرون او توم نونه * گنه این ملک بهشت‎زاره لالا لالا لالا لایی لالا لالا لالا لایی لالا لالا می‎نازدونه *** شم و چراغ آسونه برمه نکن نماشونه لالا باخس ته منزله دریو نشو که او پره لالا باخس ته منزله

ته دسّ هیمه و رسن بورده
لا لا لا لا
ته قدِّ نشا و خرمن بورده
لا لا لا لا
اتا دم راحتِ دنیا نکردی
ته عمرِ صحرا بتتن بورده
لا لا لا لا خسته تنِ بلاره
شه مارِ بویِ پیرهنِ بلاره

 

[Wendy]

ته مه گره دائی توی بلاره
ته شو مسّه نشی خوی بلاره
مسّه لا لا خونسّی تا صوائی
لا لا لا لا
مسّه داشتی آرزوی بلاره
لا لا دل دارنه ارمونِ بلاره
بی ته دنیا مه زندونِ بلاره

————————————-
ته دوش مشته هیمه من ته بلاره
ته دس پره پینه من ته بلاره
ته دوش مشته هیمه من ته بلاره
ته دس پره پینه من ته بلاره
یا نشا کِردی یا مالِ په دئی
ته سر و تن خسته من ته بلاره
لا لا چش مشتِ اسریِ بلاره
ته مه دنیایِ خشیِ بلاره

————————————–

لا لا لا لا لا لا لا لا لالایی
لا لا لا لا لا لا لا لا لالایی
افتاب تنه دل گوش نوونه
بهار ته دس ونوشه نوونه
اگه دنیای خشی مه بووشه
جان مار گرمِ کشه نوونه
لا لا لا لا شه غمخواره بلاره
اسا ونه تن نخواره بلاره
لا لا لا لا شه غمخواره بلاره
لا لا لا لا شه غمخواره بلاره